Қиын оқушылармен және ата – аналармен өткізілетін жұмыс ерекшелігі

Олардың мақсаты ата-аналарды нақтылы  педагогикалық біліммен қаруландырып, жанұяда бала тәрбиелеудің алдыңғы  қатарлы тәжірибесімен таныстырып отыру болып табылады. Біз, сынып  жетекшілері ең бірінші өзіміздің  жетекшілік етіп отырған сыныбымыздың ата-аналарына арналған педагогикалық  білімдерді насихаттау үшін әңгімелер  мен лекциялар өткізуіміз керек.

Олардың мазмұны ата-аналардың  талаптарына, оқу-тәрбие жұмыстарының нақтылы міндеттеріне байланысты болады.         

 Әңгімелер мен лекциялар  жүйелі түрде белгілі бағдарлама  бойынша өткізіліп отырса ғана  көздеген мақсатына жете алады.  Мысалы: «Ата-аналардың бала тәрбиелеудегі  жауапкершілігі туралы», «Балаларды  ұқыптылыққа үйрету», «Үлкендерді  сыйлауға үйрету», «Баланың мінез-құлығын  тәрбиелеу туралы», «Сыныптан  тыс оқуға қалай басшылық жасау  керек» т.б.

Бала өнегелі болса, сөз жоқ, ол көрікті болады. Сіз, құрметті ата-ана, ұлыңыздың немесе қызыңыздың мектепте нашар оқығанын қаламайтыныңыз белгілі. Кейде, немесе, күнде балаңыз «2»  деген нашар баға алса, онда оған ренжисіз, сөгесіз, тіпті тілдеп те жібересіз.         

 Сондай кезде баламен ұрыс-керіс  тудырмай-ақ түсінісіп, жөн сілтеуге  бола ма? Әрине, болады.  

Ендеше психологиялық-педагогикалық  тұрғыдан берілетін төмендегі 14 кеңеске  құлақ түріңіз:

1. Таңертен (не түсте) сабаққа  барарында баланы жайлап қана  оятыңыз. Сіздің биязы үніңіз  бен күлкіңіз-ақ ұйқысын ашуы  тиіс. Кешегі бір теріс қылықтарын  айтып, басқа түкке тұрмайтын  нәрсеге жүйкесін жұқартпаңыз.

Тамағын ішпей жатып ұрыс-керіс  ұйымдастырмаңыз.

2. Егер балаңыз сабақтан кешігетіндей  болып жатса, онда «Бол да  болдың!» астына алып айғайламаңыз. Оны ертерек оятпаған өзіңіз  кінәлісіз. 

3. Баланы сабаққа (әсіресе таңертен) ашқұрсақ жібермеңіз;

4. «Бұзық болма!», «Қисалаңдамай  тыныш жүр!», «Бүгін 2 алсаң құртамын!»  деген ескертулерді жиі айта  бермеңіз. Керісінше, оған жылу  сыйлап, жақсы баға алып келуіне  тілектестік білдіріңіз;

5. Есіктен кірмей жатып, «Бүгін  қандай баға алдың?» деп бас  салып балыңызды сұрақтың астына  алмаңыз. Мектептен келген балаңызды  көңілді қарсы алыңыз, оның сабақтан  шаршап келгенін ескеріңіз.

Егер бала әлденеге ренжіп келсе, бірдеңені  айтпақшы болса, «сені тындауға уақытым  жоқ» демей, арнайы көңіл бөліп, мұқият тыңдаңыз;

6. Бала бірдеңеге ашуланып жүрсе,  үндемеңіз. Сабасына түскен соң,  ол болған жайды өзі-ақ айтады;

7. Бала бірдеңеге қылығы үшін  мұғалім сізді шақыртып алса, өзара әңгімеге баланы қатыстырмаңыз;

8. Мектептен келе сала баланы  отырғызып қойып сабаққа дайындалтпаңыз. Олар да 2-3 сағат ойнап, демалған  жөн, түсте ұйықтап тынықсын. Бесін  мезгілі-сабаққа әзірленудің сәтті  кезі.

9. Бір мезгілдіе барлық сабаққа  әзірлену талап етпеңіз. Әр  сабаққа әзірленген кезде үзіліс  жасау дұрыс;

10.Сабаққа әзірленіп жатқан баланың  желкесінен төніп тұрмаңыз. Дөрекі  сөйлемеңіз. Одан да көмектесіп, бірлесіп дайындалыңыз.

11.«Егер, сен, осы сабақты орындамасаң!»  деп басталатын тәртіпке шақыру  баланың жүйкесіне әсер етеді.  Одан да өзіңіз кірісіп, жайлап  жетектеп отырыңыз.

12.Күнде жарты сағат ештеңеге  алаңдамай балаларыңызбен емін-еркін,  жақын тартып  әңгімелесіп тұрыңыз.

13.Балаңыздың көңіл-күйі нашар  болса, онда бірден назар аударыңыз.  Ол сабақтан зорығуы мүмкін.

14.Егер балаңы айтқаныңызды тыңдамайтын  болса, онда ұстазымен, психолог  маманымен, дәрігермен кеңесіңіз.

Халық даналығында:

«Баланы 5-ке дейін патшаңдай көтер,

15-ке дейін құлыңдай жұмса,

15-тен кейін досыңдай сыйла,»  - деген керемет ұлағатты нақыл  бар. Соны әрдайым басшылыққа  алыңыз.         

 Бала бойындағы жағымсыз  мінез-құлықтар үнемі есепке алынса;

ата-ана мен мұғалім бірлікте болып, баланың жақсы, жағымды істерін  ылғи марапаттау қажет.         

 Қоршаған ортадағы теріс  әрекеттерден үнемі сақтандырып  отырса, мұғалім мен ата-ана әрқашан  сергектік, шыдамдылық танытып,  жан жылуын беріп, шеберлік  көрсете білсе, онда балаларымыз  өзімшіл болмай, қиындықтан қашпай, міндетті мен парызын орындайтын  ұрпақ болары анық.

Ата-аналар кодексінде:

-Ата-ана ерекше жағдайда ғана  емес, тәрбиемен ұдайы айналысуға  міндетті;

-Баланы тәрбиелеу үшін ата-ана  өзіміз тәрбиелі болуымыз керек.  Тәрбие беру-ақыл айту емес;

-Баланы жақсы көргендізінізді  мейірімді, жылы сөзбен жеткізіп  отырыңыз;

-Мектептегі жағдайды жақсарту  мақсатында ұсыныстар айтуға  құқыңыз бар.

-Қателігін түсіне білетін,

Дұрыс жүріп, күтіне білетін,

Үлкенді сыйлап, кішіні сүйетін,

Білімді жинап, дүниені шолатындай, - балаларыңыз, үлкен азамат болып  өссің!

Сөз соңын ұлы ұстаз Макаренконың: "Баламен шындап сөйлесу үшін орын мен уақытты таңдай біліңіз.

Кіре берістегі, жол-жөнекей айтылған сөз бала көңілінде керекті із қалдырмайды деген", - парасатты  ойымен түйіндегенді жөн көрдім.        

 

Ата-аналарға арналған этикалық кодекс  

1. Мектеп білім ошағы екенін  есте ұстаңыз.

2. Мұғалімнің қоғамдағы рөлін  бағалаңыз,қолдау көрсетіңіз.

3. Бала тәрбиесі тек мұғалімнің  ісі емес,ортақ іс екенін ұмытпаңыз.

4. Мектеп туралы,мектепте болған  жағдай туралы анық-қанығына көз  жеткізбей тұрып ,бөгде орындарға  таратпаңыз.

5. Мектеп – балаңыздың екінші  үйі екенін түсінсеңіз,өзіңізді  де сол үйдің мүшесімін деп  есептеңіз.

6. Мектепішілік және сыныптағы  ата-аналар жиналысынан қалыс  алмаңыз.

7. Өз балаңыздың мектептен тыс  уақыттағы өміріне аса үлкен  жауапкершілікпен қараңыз.

8. Балаңыз сапалы білім алсын  десеңіз оған мектепке қажетті  құрал-жабдықтарын уақытылы әперіңіз.

9. Балаңыздың денсаулығы мен  жеке басының тазалығына және  киіміне жауапты қараңыз.

10. Өз уақытымен балаңыздың оқу  процесін,күнделігін,дәптерін қадағалап  отырыңыз.

11. Егер мектепке сабақ уақытында  келсеңіз, сынып жетекшісін немесе  балаңызды арнайы күту орнында  күтіңіз.

12. Өз мүмкіндігіңізге қарай  мектепте өтілетін, қала көлемінде  өтілетін мерекелік шараларға,байқауларға  қатысыңыз.

13. Өз еріктерімен әрбір ата-ана  мектепке ұйымдастырушылық,ақпараттық  және материалдық көмек көрсете  алады.

14.Мектеп ішінде, сыныпта бола  қалған қиын  мәселелі жағдайларда оны мынадай тәртіппен шешуге тырысыңыз:

1.     Сынып жетекшісі;

2.     Пән мұғалімі (қажет жағдайда);

3.     Директордың тәрбие ісі жөніндегі орынбасары;

4.     Әлеуметтік педагог;

5.     Мектеп басшысы.

Отбасы тәрбиесі

 

 

 

Мақсаты: ата-аналар қауымын мектептің тәрбие үдерісіне қатыстыру.

Ағарту – ата-аналарды балаларда болып жатқан өзгерістерді көруге, түсінуге үйрету.

Консультациялық – қоғамдық және оқу дағдылары барысында баланың тиімді әсер ету әдістерін бірлесіп психологтік-педагогикалық іздеу.

Коммуникативтік – отбасы өмірін эмоциялық әсермен, бала мен ата-ананың өзара қарым-қатынас мәдениеті тәжірибесімен байыту

Отбасы тәрбиесінің  міндеттері:

-баланың үйлесімді  дамуы;

-бала денсаулығы  туралы қамқорлық;

-оқуға, еңбек  тәрбиесіне көмек және кәсіп  таңдауға көмек;

-жалпы мәдениет  және интеллектуалдық даму туралы  қамқорлық;

-өзін тәрбиелеу  және өзін дамытуға дайындық;

Мектептегі оқу-тәрбие жұмысының мазмұнын жаңарту мақсатында мектеп ұжымы ата-аналар қауымдастығымен  тығыз байланыста жұмыс жүргізіп келеді. Жыл көлемінде жоспар жасалынып, сол жоспар бойынша жұмыс жүргізілді. Оқу жылының басынан мектеп пен  ата-ана арасында келісім шарт жасалынады. Келісім шартта мектептің және ата-ананың міндеттері төмендегідей көрсетіледі.

Мектеп  пен ата-ана арасындағы келісім  шарт

Мектеп  міндеті:

-  Мемлекеттік стандарт пен оқу бағдарламасының толық орындалуын қамтамасыз етуге

-  Оқу пәндерінің талапқа сай жүргізілуіне, білімді жаңа технологиялық иновациялық әдістерді қолдану арқылы беруге

-  Оқушының білім деңгейін уақытылы және сапалы түрде тексеріп отыруға

-  Білімді меңгермеген жағдайда себебін анықтап,шешім қабылдауға және ата-анасына хабарлап отыруға

-  Оқушыларды күнделікті сабаққа келуін қадағалап отыруға

-  Оқушылардың денсаулығын балалар ауруханасының жоспары бойынша медициналық тексеруден өткізіп отыруға

-  Оқушылардың тәртіп бұзуының алдын-алу шараларын ұйымдастыру

-  Оқушылардың шығармашылығын дамытуға байланысты жұмыстарды ұйымдастыруға

-  Оқушылар мен мұғалімдер арасындағы өзара сыйластықты дамытуға

-  Сабақтан кейін оқушылардың қызығушылығына байланысты іс-шаралар ұйымдастыруға

-  Әр оқушының отбасына психологиялық және педагогикалық тұрғыдан көмек беруге

-  Сабақ уақытында баланың өмір қауіпсіздігіне жауап беруге

-  Ата-анамен тығыз байланыста болуға 

Ата-ана  міндеті

-  Баласының оқу үлгерімін қадағалауға

-  Баласының денсаулығын қадағалап отыруға

-  Баласы ауырған жағдайда мектепке хабарлауға

-  Баласының жеке басының тазалығына қарауға

-  Баласына қажетті күн режимін жасауға

-  Баласына мектеп құрал-жабдықтарын алып беруге

-  Мектептің графигі бойынша мерекелерде, қажетті жағдайда кезекшілікте болуға

-  Мектеп ұжымының кеңестерін орындауға

-  Мұғалімдердің танымдық,тәрбиелік ұсыныстарын орындауға

-  Керек жағдайда пед. консилиум және профилактика кеңесіне келуге

-  Мектеппен үнемі байланыста болуға

-  Баласын сабақтан себепсіз қалдырмауға

-  Егер жұмыс орны мен мекен жайы ауысқан жағдайда мектепке хабарлауға

-  Мектепте өтіп жататын іс-шараларға (ата-аналар жиналысы т.б.) қатысуға

-  Егер баласы мектеп мүлкін бүлдірсе,комиссияның актісіне байланысты толық қалпына келтіруге

-  Мектеп қабырғасында балалардың өмір қауіпсіздігін сақтау мақсатында дәліздерде жүгірмеуін және баспалдақтардан абайлап түсіп отыру тақырыптарында баласымен жеке әңгіме жүргізіп отыруға;

-  Баласына мектеп ережесіне сай мектеп формасын алып беруге (жоғары сынып оқушылары: Қыз балаларға ақ көйлек, қара немесе қою көк түсті пиджак, классикалық түрде қара юбка, шалбар. Ер балаларға ақ көйлек, қара немесе қою көк түсті пиджак, шалбар, қара немесе қою көк түсті галстук. Бастауыш сынып оқушылары үшін бір типті түсі қою көк мектеп формасы.

-  Мектепте оқушының ұялы телефоны жоғалған жағдайда мектеп жауап бермейді.

-  Жазғы демалыста мектептің территориясында 5-10 сыныптар арасында ұйымдастырылған жазғы практикаға баласын қатыстыруға міндетті

Жалпы мектепішілік ата-аналар жиналысында жаңа оқу  жылына ата-аналар комитеті сайланып, жыл бойы мектеппен тығыз байланыста жұмыс жүргізді. Мектеп көлемінде  және қала көлемінде өткізілген іс-шараларға  белсене араласты. Ата-аналар комитеті төмендегі құрамда бекітілді.

1. Қаирбаева Ай Абдыкаримовне – төрайымы

2. Мамбеткулова Айсулу Кенжебековна –мүшесі

3. Танирбергенова Раушан Танирбергеновна- мүшесі 7 сынып

4. Аманжолова Маржан Сардаровна- мүшесі

5. Мусина Гульмира Анренқызы- мүшесі

6.Кашкенбаева Марияш Метурбаевна – мүшесі

9-10 сыныптардың  ата-аналарынан да ұсыну керектігі  айтылды.

Дәітов Қаршыға - мүшесі

Хасенова Айман  Амантаевна- мүшесі

Исаханова Айгул  Алиқызы- мүшесі 

Отбасы мәртебесін арттыруға ықпал ететін шығармашылық білім беру, әлеуметтік қызмет арқылы әртүрлі оғам өкілдерін өзара  іс-қимылын отбасылық, мәдени, адамгершілік ұндылықтарды қалыптастыру мақсатында «Мен және менің жанұям» атты отбасылар  айлығы өткізілді. Айлықтың жұмыс жоспары  жасалынып сол жоспар бойынша  жұмыс жүргізілді.

«Бабалар мұрасы ою-өрнек» атты қолданбалы қолөнер  бұйымдарынан технология мұғалімдері  Еркебекова Жұлдызай көрме ұйымдастырды. 1-4 сыныптар бойынша «Наурыз мерекесі»  оқушылардың шығармашылық көрмесі  ұйымдастырылды.

«Еліме шуақ, халқыма  қуат бер, Әз-наурыз» атты мектеп оқушыларының шығармашылық есеп беру концерті өткізілді. Осы шараға ата-аналар шақырылды.

Ұлыстың Ұлы күні Наурыз мерекесі қарсаңында 1-сыныптар бойынша «Наурыз-шашу» атты ата-аналар арасында байқау өткізілді. Ата-аналар ауылдарға бөлініп, салт-дәстүрлер, өнер көрсетіп, ұлттық тағамдардан  дастархан дайындады. Ата-аналардың  ұлтық киім киіп, өнер, салт-дәстүрді көрсетуі оқушыларға ұлттық, патриоттық тәрбие беруде маңызы зор болды.

«Еліме шуақ, халқыма  қуат бер, Әз-наурыз» атты мектеп оқушыларының шығармашылық есеп беру концерті өткізілді. Осы шараға ата-аналар шақырылды