Сыртқы ортаның микроорганизмдерге тигізетін әсері

Сыртқы ортаның  микроорганизмдерге тигізетін әсері

    Жасанды жағдайда  микроорганизмдер үшін өсетін  қоректік орталар мен олардың  құрамы рН пен тотығу- тотықсыздану  көрсеткіші, судың активтілігі, ортадағы  оттегінің мөлшері мен температуралық  жағдай қоршаған орта болып  саналады.

   Бактериялардвң өсуіне, ең алдымен, қоректік ортаның  жалпы құрамы мен оның жеке  компанеттерінің мөлшері тікелей  әсер етеді. Сонымен қатар бактериялардың  өсу жылдамдығы физикалық-химиялық  факторларға байланысты. Олардың  ішінде ең маңыздылары: температура,  ортаның қышқылдығы, тотығу-тотықсыздану  потенциалы және оттектің мөлшері.

 Температураның әсері.  көптеген микроорганизмдер адамға  жағымды температурада жақсы  өседі. Ал басқалары үшін одан төмен не жоғарғы температурада өсу үшін қолайлы болады.

  Температураның әсерін  үш көрсеткішпен: минимум,оптимум  және максимуммен сипаттайды. Осы  үш көрсеткішті негізгі нүкте  деп те атайды. Оптимум- бактериялардың  тіршілік әрекетіне өте қолайлы  жағдай. Температура оптимумнан  жоғарласа немесе төмендесе өсу  жылдамдығы төмендей түседі де  бірте-бірте нөлге жетеді. (70-сурет).