Астана

                                                  Астана – болашақтың қаласы

Мен,өз елімнің патриотымын. Мен өз еліммен,жеріммен, яғни Қазақстаныммен мақтанамын.Еліміздің әр қаласының өз ерекшелігі бар. Соның ішінде ең жасы, Қазақстанды әлемге паш еткен,еліміздің астанасы – Астана. Бар болғаны  биыл 14 жасқа толған астанамыз әлемді таң қалдырып отыр. Өзінің әсем көрінісімен, заманауи ғимараттарымен баршаны таң қалдыруда...  Астананың әсем ғимараттарының бірі – «Бәйтерек» монументі.  Металлдан, әйнек пен бетоннан жасалған бұл «терек» сәулеттік мағынасы жағынан да, жасалуы жағынан да бірегей: биіктігі 105 метрлік металл құрамасынан, салмағы 1000 тоннадан жоғары бес жүзге жуық қададан тұрады. Монументтегі барлық дүние – төбесіндегі алтын күн, 97 метрлік биіктігі, және аспан әлемінің үш негізін кейіптейтін үш аймаққа бөлінген ішкі архитектурасы белгілі бір символды білдіреді. Әлемде бірінші рет диаметрі 22 метрлік және салмағы 300 тоннадан тұратын күннің түсуіне қарай түсін өзгертетін «хамелеон» әйнегінен жасалынған шар биіктігі жағынан рекордқа (әлемдегі ең үлкен шардың ең биіке көтерілуі бойынша) ие болды. Әлемдегі ең үлкен шардың ең биіке көтерілуі бойынша Қазақстан астанасында асқақтаған бұл «терек» жаңартулардың сәулеттік символы, тәуелсіз Қазақстан символы ретінде орын алады.

Астана- бүгін өскелең қала. Кемел де келісімді ойлардың, ізгі ниет пен игі тілеудің қаласы. Айталық, қаланы қақ жарған Есіл өзенінің жағалауын кезінде басқан қамыс- құрақ қаба сақалдан арылып, бетон тақтайшалармен төселген. Есілдің мәрмәр жағалауынан зәулім ғимараттар салуға да, қаланың орталық бөлігінде еуропалық үлгідегі шағын орамдар тұрғызуға да орын жетерлік.

Осы Астанамызды көркейтіп жатқан елбасымыз Нұрсұлтан Әбішұлы Назарбаевқа мың да бір алғысымызды айтамыз. Және де асындай астанамыздың барын мақтан тұтамыз.Келер ұрпақтың да, жастардың да болашағы бір өзіңде! Ал сенің гүлденуің солардың қолында. Келешегің жарқын болсын, халқымның ақ ордасы, көркейіп, биіктерден көріне бергейсің! 

                                                                                               №63 орта мектептің

                                                                             11 « Ә» сынып оқушысы

   Елубаева Қымбат